Episodion Ūndētrīcēsimum: Dē Hispaniā Rōmānā
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions. If you enjoy this, you can support us here on Spotify for Podcasters or on Patreon at Latinitas Animi Causa. Although everything on this podcast will be free, your support is what allows us to do what we do. Remember to leave a rating and review to help others find this podcast more easily! Thanks for joining us and enjoy the episode!
Salvēte sodālēs! Haec seriēs est Rem Tenē. Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīscum loquī velim dē Hispaniā Rōmānā. In Spotify for Podcasters, suffragium ferre potuistis ad argumentum eligendum et vōs audīre voluistis dē Hispaniā Rōmānā! Annō 218 ante aetātem commūnem partēs Hispaniae provinicia Rōmāna factae sunt. Annō 19 ante aetātem commūnem tōta Hispānia ab imperātōre Augustō provincia Rōmāna facta est. In Hispaniā fuērunt multa metalla, praecipuē argentum. Rōmānī igitur ea metalla effodere voluērunt multasque rēs argenteās facere. Multī etiam Rōmānī nōtissimī in Hispaniā nātī sunt. Exemplī grātiā, Lūcius Annaeus Seneca Minor, philosophus stoicus nōtissimus in Hispaniā nātus est. Seneca Minor etiam magister imperātōris Nērōnis fuit. Nērō tamen fuit pessimus imperator ergo, fortasse, nōn optimus fuit magister Seneca. Sānē iocor nam etiam bonī magistrī malōs discipulōs habent. Marcus Fabius Quintiliānus quī scrīpsit dē grammaticā Latīnā et dē arte rhetorīcā, in Hispaniā nātus est. In Hispaniā ille scholam Rhetoricam optimam condidit. Plinius Minor, quī multās epistulās Latīnē scrīpsit et rem publicam Rōmānam sub imperātōre Trāiānō administrāvit, discipulus in scholā rhētoricā Quintiliānī fuit! Fieri potest ut scriptor historiārum Tacitus discipulus Quintiliānī quoque fuerit sed nōn certō scīmus. Multī hominēs Rōmānī in Hispaniā habitāvērunt et ibi multae urbēs, multae viae, et multī portūs factī sunt. Haec est vīs imperiī Rōmānī. Hoc dīcō: imperia nōn semper bona sunt neque semper bona faciunt.
Multa alia dē imperiīs et dē Hispaniā Rōmānā dīcere possum sed patientiā vestrā abūtī nōlō!
Hāc septimānā, mentiōnem nōminis fautōris nostrī facere volumus! Grātiās summās agimus fautōtrī nostrō cui nōmen est SweetTaLe, Ille nōn sōlum episodion proximum audīvit et commentārium scrīpsit sed etiam multa nostra spectat et commentāriōs scrībit. Iterum grātiās summās tibi agimus, ō SweetTaLe!
Audī hoc episōdion et scrībe commentārium et fortasse mentiōnem nominis tuī faciam!
Bene, satis est. Haec hodiē habuī quae dīcerem! Quid vōs? Nōbīs scrībere potestis apud apple podcasts vel spotify vel etiam situm nostrum habesnelac.com/contact. Volumus audīre respōnsa vestra! Grātiās vōbīs agimus quia nōs loquentēs audītis. Spērāmus fore ut hoc episodion vōbīs placeat! Curāte ut in proximum valeātis! Et mementōte: Rem tenēte, verba sequentur.
