Episodion Duodētrīcēsimum: Dē Diē Solitō Hispanicō
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions. If you enjoy this, you can support us here on Spotify for Podcasters or on Patreon at Latinitas Animi Causa. Although everything on this podcast will be free, your support is what allows us to do what we do. Remember to leave a rating and review to help others find this podcast more easily! Thanks for joining us and enjoy the episode!
Salvēte sodālēs! Haec seriēs est Rem Tenē. Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīscum loquī velim dē diē solitō Hispanicō. Omnis terra suōs morēs propriōs habet. Hodiē dē moribus Hispanōrum quōs expertus sum loquī velim nam iam duās septimānās in Hispaniā ēgī et multa nova expertus sum! Nōn enim sōlum Hispaniam invīsī sed etiam cum familiā Hispanicā habitāvī. Vītam Hispanicam vīxī. Dē mēnsīs loquī velim nam hominēs vītās vīvunt dē mēnsīs cogitantēs. Sunt ternae mēnsae singulīs diēbus: ientaculum, prandium, et cēna, sīcut in patriā meā. Inter ientāculum, nōn multum comedunt Hispanī. Ientaculum nōn est magnum. Ego ientāre nōn soleō. Sōlum caffēam bibere soleō. Etiam hīc nōn ientāvī. Ientaculum inter horās octāvam et undecimam esse solet. Schola in Hispaniā horā octavā cum dīmidiō incipere solet. Post scholam, domum īmus et prandēmus. Singulīs diēbus horā tertiā prānsimus et multum comedimus. Prandium enim in Hispaniā est magnī momentī. Hispānī multum prandent. Post prandium, multī Hispanī caffēam bibunt et meridiantur. Ego meridiārī nōn soleō ergō post prandium, dum fāmilia mea meridiata est, ego per urbem Pacem Augustam, Badajoz Hispanicē, spatiātus sum. Vespere, singulīs diēbus, horā septimā pōma comedimus. Post hoc, ego per urbem spatiātus sum et, interdum, rēs ēmī. Vestēs, potiōnēs, et multās aliās rēs ēmī. Inter horam decimam et undecimam, cēnāvimus. Cēnae Hispanicae parvae sunt. Inter omnēs mēnsās, multum collocūtī sumus! Dē vītīs nostrīs, dē rēbus politicīs, dē moribus diversīs nostrīs, dē linguīs discendīs et linguīs ipsīs collocūtī sumus magnō cum gaudiō! Post cēnam, multī Hispanī otiantur, id est, in ōtiō versantur et tunc dormiunt ferē mediā nocte! Sunt multa quae dīcere possum sed vestrā patientiā abūtī nōlō!
Hāc septimānā, mentiōnem nōminis fautōris nostrī facere volumus! Grātiās summās agimus fautōtrī nostrō cui nōmen est Steven White. Ille nōn sōlum episodion proximum audīvit et commentārium scrīpsit sed etiam multa nostra spectat et commentāriōs scrībit. Iterum grātiās summās tibi agimus, Steven!
Audī hoc episōdion et scrībe commentārium et fortasse mentiōnem nominis tuī faciam!
Bene, satis est. Haec hodiē habuī quae dīcerem! Quid vōs? Quālis est diēs solitus vōbīs? Estne simile moribus Hispanōrum? Diversum? Nōbīs scrībere potestis apud apple podcasts vel spotify vel etiam situm nostrum habesnelac.com/contact. Volumus audīre respōnsa vestra! Grātiās vōbīs agimus quia nōs loquentēs audītis. Sperāmus fore ut hoc episodion vōbīs placeat! Curāte ut in proximum valeātis! Et mementōte: Rem tenēte, verba sequentur.
