Episodion Trīcēsimum et Unum: Dē Sāturnālibus Celebrandīs
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions. If you enjoy this, you can support us here on Spotify for Podcasters or on Patreon at Latinitas Animi Causa. Although everything on this podcast will be free, your support is what allows us to do what we do. Remember to leave a rating and review to help others find this podcast more easily! Thanks for joining us and enjoy the episode!
Salvēte sodālēs! Haec seriēs est Rem Tenē. Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīscum dē feriīs Sāturnālibus celebrandīs loquī velim! Ut in proximō episōdiō dīximus, Sāturnālia sunt feriae hiemālēs, id est, feriae quae hieme celebrantur cum noctēs longiōrēs et obscūriōrēs neque animī hominum tam laetī sint. Rōmānī, sīcut nōs, feriās celebrābant! Quōmodo vērō Rōmānī Sātunaliā celebrābant? Rōmānī hās feriās celebrābant magnā copiā cibī, vīnī, clāmōris, et laetitiae! Cīvēs Rōmānī in Forum Rōmānum convēnērunt ubī multae mēnsae magnae et longae erant. Omnēs ūnā sedēbant ad cibōs multōs et suāvissimōs sūmendōs et ad multa vīna suāvissima bibenda nam erant epulae maximae et apparātissimae in Fōrō Rōmānō! Etiam per Fōrum Rōmānum, pompa taurōrum fuit quae ad templum Saturnī ducta est. Taurī enim sacrificia Sāturnō erant. Omnēs bibēbant, cibōs sumēbant, et lūdēbant. In domibus Rōmānīs nōn iam fuērunt dominī et servī nam inter Sāturnālia, servī quāsī dominī erant et dominōs suōs et aliōs leviter rīdēbant. Sānē, sīcut inter nostrās feriās hiemālēs, nōn omnēs laetī erant. Exemplī grātiā, Seneca epistulam amīcō scrībebat in quā dīxit sē velle cēnam minimam et quiētam, sine multīs hominibus. Etiam inter Sāturnālia, Rōmānī dōna dabant. Dōna Sāturnālicia nōn magna fuērunt. Dōna parva saepe dabant sīcut sigillāria ex argillā vel cērā facta. Interdum, dōna magna quoque dabant. Inter Sāturnālia omnēs aetāte aureā Sātūrnō rēge vīvēbant. Īo, Sātunālia!
Hāc septimānā, mentiōnem nōminis fautōris nostrī facere volumus! Grātiās summās agimus fautōtrī nostrō cui nōmen est David (@neanias19) Ille nōn sōlum episodion proximum audīvit et commentārium scrīpsit sed etiam multās nostrās pelliculās Graecās spectat! Iterum grātiās summās tibi agimus, ō David!
Audī hoc episōdion et scrībe commentārium et fortasse mentiōnem nominis tuī faciam!
Bene, satis est. Haec hodiē habuī quae dīcerem! Quid vōs? Placeatne vōbīs Sāturnālia celebrāre? Parefersne Sāturnālia aliīs feriīs hiemālibus? Quid maximē tibi placet dē dēscriptiōne Sāturnālium? Nōbīs scrībere potestis apud apple podcasts vel spotify vel etiam situm nostrum habesnelac.com/contact. Volumus audīre respōnsa vestra! Grātiās vōbīs agimus quod nōs loquentēs audītis. Spērāmus fore ut hoc episodion vōbīs placeat! Curāte ut in proximum valeātis! Et mementōte: Rem tenēte, verba sequentur.
