Episodion Trīcēsimum et Alterum: Dē Propositīs Novī Annī
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions. If you enjoy this, you can support us here on Spotify for Podcasters or on Patreon at Latinitas Animi Causa. Although everything on this podcast will be free, your support is what allows us to do what we do. Remember to leave a rating and review to help others find this podcast more easily! Thanks for joining us and enjoy the episode!
Salvēte sodālēs! Haec seriēs est Rem Tenē. Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīscum dē prōpositīs Novī Annī loquī velim! Iam est mēnsis Ianuārius et hoc significat esse novum annum! Annō 45 ante aetatem commūnem, Gaius Iūlius Caesar initium novī annī mutāvit ā Kalendīs Martiīs, id est, prīmō diē mēnsis Martiī, ad Kalendās Iānuāriās, id est, prīmum diem mēnsis Iānuāriī. Hic mēnsis fuit sacer Iānō. Iānus fuit deus Italicus quī Rōmānus factus est. Iānus numquam deus Graecus fuit. Iānus deus initiōrum et fīnium fuit et duās faciēs habuit. Ille enim alterā faciē praeteritum, alterā faciē fūtūrum spectābat. Nōs quoque initium novī annī Kalendīs Iānuāriīs celebrāmus! Saepe, hominēs prōposita novī annī prōpōnunt et multa prōposita inter hominēs commūnia sunt. Exemplī grātiā multī hominēs, novō annō, corpora exercēre, plūrēs librōs legere, cibōs salūbriōrēs comedere, plūs dormīre, et multa tālia facere volunt. Vōbīs iam dīcam id quod hōc annō mihi prōpōnō! Hōc annō, magis praesēns esse velim. Saepe enim telephōnō meō ūtor et saepe multīs rēbus occupātus sum. Magis praesēns discipulīs, amīcīs, familiae, et mihi ipsī esse volō nam, hāc in vītā, hominēs maximī momentī sunt. Et sānē, corpus exercēre, plūrēs librōs legere, cibōs salūbriōres comedere, plūs dormīre, et multa tālia facere velim!
Hāc septimānā, mentiōnem nōn ūnīus fautōris nostrī sed nostrōrum pātrōnōrum apud Patreon facere volumus! Sine vōbīs, multa tālia facere haud possēmus. Vōbīs summās, maximās, plūrimās grātiās agimus!
Audī hoc episōdion et scrībe commentārium et fortasse mentiōnem nominis tuī faciam ego!
Bene, satis est. Haec hodiē habuī quae dīcerem! Quid vōs? Quid vōbīs prōpōnitis hōc annō novō? Nōbīs scrībere potestis apud apple podcasts vel spotify vel etiam situm nostrum habesnelac.com/contact. Volumus audīre respōnsa vestra! Grātiās vōbīs agimus quod nōs loquentēs audītis. Spērāmus fore ut hoc episodion vōbīs placeat! Sī placuit vōbīs hoc episōdion, spectā hoc nam vōbīs placēbit! Curāte ut in proximum valeātis! Et mementōte: Rem tenēte, verba sequentur.
