Episodion Tricēsimum et Sextum: Fābula Pandōrae
Rem Tenē Episodion Tricēsimum et Sextum: Fābula Pandōrae
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions If you enjoy this, you can support us on Patreon at Latinitas Animi Causa for the cost of only a cup of coffee per month. The link is in the description! Although everything on this podcast will be free, your support is what allows us to do what we do. *Remember to leave a rating and review to help others find this podcast more easily!* Thanks for joining us and enjoy the episode!
Sat nūgārum; ad rem!
Salvēte sodālēs! Haec seriēs est Rem Tenē! Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīscum dē fābulā Pandōrae loquī velim. Quī scriptōrēs antīquī dē Pandōrā scrīpsērunt? Prīmus scriptor quī dē Pandōrā scrīpsit fuit Hesiodus. Hesiodus, scriptor Graecus, hanc fābulam Graecē scrīpsit. Tantum est ūnus scriptor antīquus quī aliquid dē Pandōrā Latīnē scrīpsit. Nōmen huic scriptōrī est Gāius Iūlius Hygīnus. Fābulam dē orīgine Pandōrae quam Hygīnus scrīpsit narrābimus et fābulam dē vāse eius quam scrīpsit Hesiodus narrābimus. Bene; ad fābulam!
Prometheus tītānus fuit et primōs virōs ex lutō finxit. Iuppiter, rēx deōrum, Vulcānum, deum fabricandī, iūssit prīmam fēminam facere. Vulcānus prīmam fēminam finxit. Minerva eī animam dedit. Omnēs dī et deae huic novae fēminae dōna dedērunt. Hanc ob causam, nōmen eī Pandōra fuit. Pandōra est vocābulum Graecum quod significat “omnia dōna.” Pandōra quoque vās habuit. In hōc vāse, omnia mala īnsunt sed ea hoc nescit. Iuppiter Pandōram Epimetheō, frātrī Prometheī, in coniūgium dat. Pandōra vās aperuit et omnia mala per tōtum orbem terrārum ēvolāvērunt. Omnia ē vase ēvolāvērunt praeter spem. Spēs in vāse inest et hominēs spem habent.
Quid significat haec fābula? Bene; Hesiodus scrīpsit hanc fābulam significāre nōs nōn posse voluntātem Iōvis vītāre. Hesiodus quoque scrīpsit fēminās esse causam omnium malōrum. Quam foeda nōtiō! Cūr spēs sōla in vāse inest? Hesiodus hoc nōn scrīpsit. Quid putātis vōs? Cūr spēs sōla inest? Scrībite nōbīs!
Vultisne nōs aliās fābulās sīc narrāre? Scrībite nōbīs dē hōc quoque!
Ut semper, patrōnīs nostrīs apud Patreon quam maximās grātiās agimus!
Bene, satis est. Haec hodiē habuī quae dīcerem! Quid vōs? Vōbīsne placet audīre tālēs fābulās? Nōbīs scrībere potestis apud apple podcasts vel spotify vel YouTube vel etiam situm nostrum habesnelac.com/contact. Volumus audīre respōnsa vestra ergō scrībite! Grātiās vōbīs agimus quod nōs loquentēs audītis. Spērāmus fore ut hoc episodion vōbīs placeat! Cūrāte ut in proximum valeātis! Et mementōte: Rem tenēte, verba sequentur.
