Episodion Tricēsimum et Quīntum: Dē Causīs Cūr Lingua Anglica Vocābula Latīna Habeat
Rem Tenē Episodion Tricēsimum et Quintum: Dē Causīs Cūr lingua Anglica Vocābula Latīna Habeat?
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions If you enjoy this, you can support us on Patreon at Latinitas Animi Causa for the cost of only a cup of coffee per month. The link is in the description! Although everything on this podcast will be free, your support is what allows us to do what we do. *Remember to leave a rating and review to help others find this podcast more easily!* Thanks for joining us and enjoy the episode!
Sat nūgārum; ad rem!
Salvēte sodālēs! Haec seriēs est Rem Tenē! Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīscum loquī velim dē causīs cūr lingua Anglica vocābula Latīna habeat! Lingua Latīna est lingua valdē antīqua. Vōs prōbe hoc scītis. Lingua Anglica nōn est tam antīqua quam lingua Latīna neque est lingua valdē nova. Lingua Latīna enim est multō antīquor quam lingua Anglica. Quōmodo igitur tam multa vocābula Latīna in linguam Anglicam veniunt? Duās causās vōbīs dīcam!
Prīma causa est haec: lingua Latīna et lingua Anglica ex eādem mātre, ut ita dīcam, veniunt. Haec māter lingua est lingua Proto-Indo-Europaea. Hāc in fāmiliā linguārum, sunt multae aliae linguae: linguae Graecae, linguae Indicae, linguae Italicae, linguae Germanicae, et multae aliae. Lingua Anglica est lingua Germanica neque ē linguā Latīnā venit quamquam multī Anglicē loquentēs hoc esse vērum putant. Eandem tamen mātrem habent ergō multa vocābula cognāta sunt sīcut vocābulum Latīnum “duo” et vocābulum Anglicum “two.” Haec vocābula ex eādem radīce veniunt et satis similia sunt. Ē linguā Latīnā veniunt linguae Rōmānēnsēs vel linguae Rōmānae, sīcut lingua Italica hodierna, lingua Hispanica, lingua Franco-Gallica, lingua Lūsitānica, lingua Dacoromanica, et cēterae. Hae linguae sunt fīliae linguae Latīnae mātris.
Iam dē alterā causā loquī velim. Lingua enim Anglica nōn est lingua Rōmānēnsis! Cūr igitur tot vocābula Latīna in hāc linguā īnsunt!? Ob bellum. Willelmus enim Normannus in proeliō Hastingae Anglosaxōnēs annō 1066 vīcit et Angliam occupāvit! Willelmus quī Normannus fuit, linguā Gallicā priscā loquēbātur. Haec lingua est fīlia linguae Latīnae! Anglosaxōnēs tamen linguā Anglicā priscā loquēbantur. Itaque, multī hominēs divitēs et nōbilēs linguā Gallicā priscā loquēbantur et hominēs pauperēs, sīcut agricolae, linguā Anglicā priscā loquēbantur. Hae linguae post multōs annōs mixtae sunt. Multa vocābula Anglica hodierna quae multās syllabās habent ē linguā Latīnā veniunt quia divitēs doctī erant et dē rebus magnīs loquēbantur. Multa vocābula Anglica hodierna quae paucās syllabās habent ē linguā Anglicā priscā veniunt nam sunt vocābula quae hominēs pauperēs (et minus doctī) dīcēbant. Ecce causa cūr tot vocābula Latīna in linguā Anglicā hodiernā īnsint! Multa exempla vōbīs dare possem sed multum iam dīxī!
Vultisne nōs plūra dē historiā linguae Latīnae dīcere? Scrībite nōbīs!
Ut semper, patrōnīs nostrīs apud Patreon quam maximās grātiās agimus!
Bene, satis est. Haec hodiē habuī quae dīcerem! Quid vōs? Vōbīsne placet audīre dē historiā et origine linguārum? Nōbīs scrībere potestis apud apple podcasts vel spotify vel YouTube vel etiam situm nostrum habesnelac.com/contact. Volumus audīre respōnsa vestra ergō scrībite! Grātiās vōbīs agimus quod nōs loquentēs audītis. Spērāmus fore ut hoc episodion vōbīs placeat! Curāte ut in proximum valeātis! Et mementōte: Rem tenēte, verba sequentur.
