Episodion Trīcēsimum et Tertium: Dē Hieme
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions. If you enjoy this, you can support us on YouTube by sharing, liking, subscribing, and watching our other Latin content. You can also support us on Patreon at Latinitas Animi Causa for the cost of only a cup of coffee per month. The link is in the description! Although everything on this podcast will be free, your support is what allows us to do what we do. *Remember to leave a rating and review to help others find this podcast more easily!* Thanks for joining us and enjoy the episode!
Sat nūgārum; ad rem!
Salvēte sodālēs! Haec seriēs est Rem Tenē. Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīscum dē hieme loquī velim! Hiems est tempus annī frigidissimum! Hieme Rōmānī nōn iam bellum gerēbant nam nimis frigidum erat. Ergō mīlitēs Rōmānī in castrīs hibernīs hiemābant. Post hiemem (plūs minusve mēnse Mārtiō) ē castrīs hibernīs exībant et bellum dēnuō gerēbant. Hiemāre in castrīs hibernīs est multō melius quam bellum gerere hieme! Nōs vērō bellum nōn multum gerimus in nostrā patriā sed nōs quoque multum temporis in domibus nostrīs agimus. Hieme multī hominēs intus manent et rēs vāriās agunt nam fōrīs, est frigus maximum! Hīc, in Novā Angliā, multum ningit. Nix in terrā iacet et multī puerī fōrās eunt et in nive lūdunt! Pilās nivālēs iaciunt, effigiēs nivālēs faciunt, et in nive iacent membraque corporis movent et angelōs nivālēs faciunt. Multī puerī nive delectantur. Multī etiam hominēs dē colle vel monte trahā dēscendunt magno cum gaudiō! Hiems tempus iucundum est quia multī nive lūdere possunt sed quoque est tempus difficile. Sōl enim nōn multum neque diū per diem lūcet et opus est hominibus sōle. Est igitur quoque tempus difficile. Mihi multum placent vestēs hiēmālēs nam, sīcut autumnō, multās vestēs lautiōrēs sine difficultāte gerere possum!
Hāc septimānā, mentiōnem nōminis fautōris nostrī facere volumus! Grātiās summās agimus fautōtrī nostrō cui nōmen est JC. Ille nōn sōlum episodion proximum audīvit et commentārium scrīpsit sed etiam est novus fautor nostrī! Iterum grātiās summās tibi agimus, ō JC!
Ut semper, patrōnīs nostrīs apud Patreon quam maximās grātiās agimus!
Bene, satis est. Haec hodiē habuī quae dīcerem! Quid vōs? Quid dē hieme vōbīs placet? Nōbīs scrībere potestis apud apple podcasts vel spotify vel YouTube vel etiam situm nostrum habesnelac.com/contact. Volumus audīre respōnsa vestra ergō scrībite! Grātiās vōbīs agimus quod nōs loquentēs audītis. Spērāmus fore ut hoc episodion vōbīs placeat! Sī placuit vōbīs hoc episōdion, spectā hoc nam vōbīs placēbit! Curāte ut in proximum valeātis! Et mementōte: Rem tenēte, verba sequentur.
