Rem Tenē Episodion Quadrāgēsimum et Quintum: Dē Vēre
Rem Tenē Episodion Quadrāgēsimum et Quīntum: Dē Vēre
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions If you enjoy this, you can support us on Patreon at Latinitas Animi Causa for the cost of only a cup of coffee per month. The link is in the description! Although everything on this podcast will be free, your support is what allows us to do what we do. *Remember to leave a rating and review to help others find this podcast more easily!* Thanks for joining us and enjoy the episode!
Sat nūgārum; ad rem!
Salvēte sodālēs! Haec seriēs est Rem Tenē! Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē dē vēre loquī velim! Sī seriem nostram multum audītis, scītis mē iam locūtum esse dē autumnō et hieme. Sī seriem nostram multum audītis, scītis mē in Novā Angliā habitāre. Hiems in Novā Angliā longa et dūra est. Tandem, post hiemem longissimam, vēr adest! Multum vēre dēlector! Dēlector plūviā vernā, ventō vernō, flōribus flōrescentibus, caelō dēnuō calidō, omnibus rēbus vernīs! In fābulīs Rōmānīs et Graecīs, hieme Cerēs, dea frūmentī, agri cultūrae, et fertilitātis abundantiaeque, trīstis erat. Plūtō enim Proserpinam, fīliam eius cēpit et eam uxōrem suam fēcit. Proserpina igitur sex mēnsēs in īnferīs cum marītō suō Plūtōne adfuit neque in terrā superā cum mātre suā. Māter igitur trīstis omnēs herbās et frūmenta interfēcit. Vēre tamen Proserpina ad terram superam rediit et Cerēs dēnuō gaudēbat. Cum Cerēs gaudet, omnia crescunt et florescunt! Ut mihi vidētur, vēr gaudium sēcum fert. Vēr spem significat. Spēs est exspectātiō bonī. Bona exspectō et bona optō mihi et vōbīs!
(Post prīmam vīcem: bene; iterum tōtam rem dīcam celerius et sine vocābulīs Anglicīs)
Bene, satis est. Haec hodiē habuī quae dīcerem! Quid vōs? Quid vēris vōbīs maximē placet? Quid vōbīs facere placet vēre? Quid spērās? Nōbīs scrībere potestis apud situm nostrum habesnelac.com/contact. Volumus audīre rēspōnsa vestra ergō scrībite! Grātiās vōbīs agimus quod nōs loquentēs audītis et ut semper, patrōnīs nostrīs apud Patreon quam maximās grātiās agimus! Spērāmus fore ut hoc episodion vōbīs placeat! Curāte ut in proximum valeātis! Et mementōte: Rem tenēte, verba sequentur.
