Rem Tenē Episodion Quadrāgēsimum et Quartum: Fābula Perseī (Pars Tertia et Ultima)
Rem Tenē Episodion Quadrāgēsimum et Quartum: Fābula Perseī (Pars Tertia)
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions If you enjoy this, you can support us on Patreon at Latinitas Animi Causa for the cost of only a cup of coffee per month. The link is in the description! Although everything on this podcast will be free, your support is what allows us to do what we do. *Remember to leave a rating and review to help others find this podcast more easily!* Thanks for joining us and enjoy the episode!
Sat nūgārum; ad rem!
Salvēte sodālēs! Haec seriēs est Rem Tenē! Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē fīnem fābulae Perseī narrandae facere velim!
Perseus Medūsam et aliās gorgornēs dormīre vīdit. Haec fuit opportūnitās optima Medūsae interficiendae. Perseus tamen Medūsam etiam dormientem spectāre nōn poterat. Sī eam spectet, aciēs oculōrum Medūsae eum in saxum covertat. Perseus igitur scūtō quod sīcut speculum erat ūsus est et scūtō ea quae post sē erant vidēbat. Ille ad Medūsam accessit et falce suā caput Medūsae summā vī abscīdit. Gorgonēs aliae ē somnō excitātae sunt et Perseum interficere volēbant. Ille igitur galeam magicam induit. Galeā magicā indūtā, nemo eum vidēre poterat! Hanc ob causam, Perseus tālāribus Mercūriī volandō Gorgonēs effugere poterat. Dum domum iter faciēbat, suprā Aethiopiam volābat. Ibī, fēminam pulcherrimam vīdit sed ea ad saxum alligāta erat.
“Quid est hoc!? Fēmina ad saxum alligāta est? Ō facinus indignum!”
Perseus dēvolāvit ad fēminam quae ad saxum alligāta est cum subitō mōnstrum maximum maritimum vīdit quod ē marī vēnit et eum interficere volēbat! Perseus tamen summā celeritāte impetum mōnstrī vītāvit et mōnstrum ipsum falce suā pulsāvit idque vulernāvit. Mōnstrum prīmum in mare īvit, tum summā vī alium impetum in Perseum fēcit. Perseus autem iterum tālāribus ūsus est et impetum vītāvit et tum impetum in caput mōnstrī fēcit idque grāvissimē vulnerāvit. Mōnstrum in mare effūgit neque umquam posteā visum est.
Perseus ad fēminam accessit eamque līberāvit. Sīc locūtus est cum eā:
“Fēmina, ego sum Perseus. Quis es tū? Cūr tū ad saxum alligāta es?”
Sīc rēspondit fēmina, “Mihi nōmen est Andromeda. Sum fīlia rēgis Aethiopum et ad saxum alligāta eram quia pater meus Netpūnum offendit ergo eram sacrificium. Tū tamen mē servāvistī! Prō hāc rē tibi grātiās maximās agō!”
Subitō pater Andromedae ad eōs accessit et sīc locūtus est: “Quis es tū!? Tū fīliam meam servāvistī! Tū es heros vērus et optimus! Eam sic ad saxum alligāre nōluī sed Neptūnus hoc mōnstrum ad nōs anteā mittēbat cotidiē quod omnēs nōs cōnsūmēbat! Tū nōs omnēs servāvistī! Volō tibi dare fīliam meam in matrimōnium.” Sīc Perseus Andromedam in matrimōnium dūxit et post paucōs annōs ad Polydecten rediit.
Polydectēs Perseum vīdit et sīc locūtus est:
“Perseu! Vīvis? Gaudeō!” (hoc sānē falsum est) “Habēsne mihi dōnum?”
Perseus subrīdēns respondit. “Habeō.” Tum eī caput Medūsae mōnstrāvit et Polydectēs in saxum conversus est. Perseus omnia dōna deōrum reddidit et caput Medūsae Minervae dēdit quod signum Minverae factum est.
Sodālēs, meministisne Acrisium, avum Perseī? Orāculum Delphicum dīxit Perseum eum interfectūrum esse. Sunt vāriae fābulae sed in ūnā fābulā, Perseus aderat in urbe Graecā ad lūdōs funēbrēs celebrandōs. Perseus discum summā vī iēcit et cāsū Acrisium pulsāvit et mortuus est. Quam aptus eī fīnis!
Perseus tum Mycēnās, urbem Graecam magnam, condidit. Agamemnon ex hāc urbe vēnit sed haec est fābula aliās narranda.
(Post prīmam vīcem: bene; iterum tōtam rem dīcam celerius et sine vocābulīs Anglicīs)
Bene, satis est. Haec hodiē habuī quae dīcerem! Quid vōs? Vōbīsne placet haec fābula? Estne alia fābula antīqua quam nōs narrāre vultis? Nōbīs scrībere potestis apud situm nostrum habēsnelac.com/contact. Volumus audīre rēspōnsa vestra ergō scrībite! Grātiās vōbīs agimus quod nōs loquentēs audītis et ut semper, patrōnīs nostrīs apud Patreon quam maximās grātiās agimus! Spērāmus fore ut hoc episodion vōbīs placeat! Curāte ut in proximum valeātis! Et mementōte: Rem tenēte, verba sequentur.
