Episodion Nōnum: Dē Exercitātiōne Corporis
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the Latin language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions. If you enjoy this, you can support us here on Anchor or on Patreon at Latinitas Animi Causa. Although everything on this podcast will be free, your support is what allows us to do what we do. Thanks for joining us and enjoy the episode!
Salvēte sodālēs! Haec seriēs est Rem Tenē. Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīscum loquī volō dē exercitātiōne corporis. Multum mihi placet corpus exercēre quamquam nōn satis corpus exerceō. Sunt multī modī corporis exercendī. Possumus corpus exercēre currendō. Currere mē dēlectat sed nōn multum iam currō. Cūr, fortasse interrogātis? Nōn multum iam currō quia nōn cucurrī multōs annōs ergō est iam difficile mihi currere. Corpus etiam exercēre possumus ambulandō. Ambulāre maximē mē dēlectat nam dum ambulō, possum audīre sermōnēs aliōrum quī podcasts dicuntur. Sermōnēs nōn audīre possum ego dum currō. Corpus exercēre possumus etiam ponderibus tollendīs. Pondera tollere etiam maximē mē dēlectat. Cum pondera tollō, videor mihi validissimus! Videor mihi omnia facere posse! Meā sententiā, optima exercitātiō corporis est! Corpus etiam exercēre possumus birotā gestandā. Birotam gestāre multum mē dēlectat sed, ut vēra dīcam, birotam nōn habeō! Cum puer essem, birotam habuī sed iam birotae sunt pretiōsae et in oppidō habitō quod nōn est valdē aptum birotīs. Sunt multae raedae neque multae birotae et viae valdē frequentēs sunt. Birotam igitur nōn multum gestō. Volō tamen birotam emere eamque gestāre. Multum mē delectat corpus exercēre quia nōn sōlum corpus sed etiam mentem cūrāre possum. Iuvenālis, poeta Rōmānus, ōlim scrīpsit hoc: orandum est ut sit mēns sāna in corpore sānō. Meā sententiā, bene scrīpsit Iuvenālis.
Bene, satis est. Haec hodiē habuī quae dīcerem! Quid vōs? Quōmodo vōs corpora vestra exercētis? Exercētis corpora currendō? Ambulandō? Ponderibus tollendīs? Birotā gestandā? Aliō modō?
Nōbīs scrībere potestis apud anchor.fm vel apple podcasts vel spotify vel etiam situm nostrum habesnelac.com/contact. Volumus audīre respōnsa vestra! Grātiās vōbīs agimus quia nōs loquentēs audītis. Sperāmus fore ut hoc episodion vōbīs placeat! Curāte ut in proximum valeātis! Et mementote: Rem tenēte, verba sequentur.
