Rem Tenē Episodion Duodēsexāgēsimum: Fābula Gygis
Rem Tenē Episodion Quinquāgēsimum et ūndēsexāgēsimum: Fābula Gygis
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions If you enjoy this, you can support us on Patreon at Latinitas Animi Causa for the cost of only a cup of coffee per month. The link is in the description! Although everything on this podcast will be free, your support is what allows us to do what we do. *Remember to leave a rating and review to help others find this podcast more easily!* Thanks for joining us and enjoy the episode!
Salvēte sodālēs! Haec seriēs est Rem Tenē! Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīs fābulam Gygis narrāre volō!
Haec fābula quam vōbīs narrātūrus sum, prīmum est scripta Graecē ā Platōne. Posteā, Cicero in opere suō dē officiīs scriptō fābulam narrāvit. Formam huius fābulae simplicem vōbīs iam narrō! Estisne parātī?! Incipiāmus.
Prīmum Vōs monitōs esse volō: est mentiō vīs sexuālis hōc in episodiō.
Fuit ōlim pāstor nōmine Gyges. Gyges pāstor rēgis Lydiae fuit neque magnam pecūniam habuit. is pauper fuit. Cotidiē ovēs rēgis cūrābat et cum aliīs pāstōribus rēgis colloquēbātur. Rēx enim Lydiae multōs pāstōrēs habēbat. Rēx tamen crudēlis fuit et pāstōrēs laetī nōn fuērunt.
Quōdam diē, tempestās maxima coorta est. Imber maximus dē caelō cadēbat. Fulmen terram pulsāvit et magnus hiātus factus est. in hiātū equus aëneus fuit. Posterō diē, Gyges in silvā cum ovibus ambulābat et hiātum in terrā factum vīdit. Gyges hiātūs videndī cupidus eum cautē adiit. In hiātū equum aëneum vīdit. In hiātum dēscendit Gyges, equī videndī cupidus. Postquam dēscenderat, equum inspēxit. In equī lateribus, fōrēs fuērunt. Gyges cautē fōrēs aperuit et mīrātus est. In equō aëneō fuit corpus hominis mortuī. sed fuit māior quam hominēs quōs Gyges umquam vīderat. Fuit maximus homo! In digitō hominis fuit ānulus aureus. Gyges, pauper, cupidissimus huius ānulī capiendī fuit. Ānulum igitur cēpit eumque induit. Tum ānulum ad palmam invertit et, subitō, nōn vidēbātur! Ipse autem omnia vidēbat! Gyges ānulum mīrātus est! Tum, ānulum in locum solitum invertit et rūrsus vidēbātur. Gyges statim ad aliōs pāstōrēs īvit et iīs potestātem ānulī ostendit. Omnēs eum mīrātī sunt! Gyges opportūnitāte ānulī ūtī volēbat. Gyges igitur ad rēgīnam accessit et in eam stuprum intulit et illī, Gyges et Regīna, rēgem interfēcērunt. Tum Gyges est rēx factus et crudēlis.
Quid haec fābula docet? Cicero hoc ait: Hunc igitur ipsum ānulum sī habeat sapiēns, nihil plūs sibi licēre putet peccāre, quam sī nōn habēret. Quid putās tū, ō sepctātor?
(Post prīmam vīcem: bene; iterum tōtam rem dīcam celerius et sine vocābulīs Anglicīs)
Acta est haec pellicula, omnēs, plaudite. Et mementōte, Rem Tenēte, verba seqeuntur!
