Episodion Septimum: Dē Diē Nātālī Urbis Rōmae
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions. If you enjoy this, you can support us here on Spotify for Podcasters or on Patreon at Latinitas Animi Causa. Although everything on this podcast will be free, your support is what allows us to do what we do. Remember to leave a rating and review to help others find this podcast more easily! Thanks for joining us and enjoy the episode!
Salvēte sodālēs! Haec seriēs est Rem Tenē. Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīscum loquī volō dē diē nātālī urbis Rōmae! Diēs nātālis urbis Rōmae nōbīs et Rōmānīs est Diēs Festus. Vōbīs dē fābulā urbis conditae dīcam. Hoc episōdion erit longum sed etiam bonum!
Temporibus antīquīs, fuērunt geminī: Romulus et Rēmus. Māter geminōrum fuit Rhea Silvia. Pater geminōrum fuit Mars, deus bellī. Pater tamen Rheae Silviae fuit Numitor. Numitor fuit rēx oppidī cui nōmen fuit Alba Longa. Frater Numitōris nōmine Amulius rēx esse voluit ergo frātrem Numitōrem expulit et tum fuit rēx. Avunculus Romulī et Rēmī nōmine Amūlius Romulum et Rēmum īnfantēs interficere voluit. Amūlius fuit rēx neque voluit Romulum aut Rēmum rēgēs esse. Ergō iussit mīlitēs Romulum et Rēmum interficere. Mīlitēs Amūliī Romulum et Rēmum ad flūmen Tiberim portāvērunt. Mīlitēs eōs in corbī posuērunt, corbem in flūmine posuērunt, et discessērunt. Romulus et Rēmus in flūmine fuērunt et paene mortuī sunt sed lupa eōs invēnit. Romulus et Rēmus ā lupā ēducātī sunt! Ō rem mīram! Pastor, nōmine Faustulus, Romulum et Rēmum invēnit et eōs animālia cūrāre docuit. Romulus et Rēmus Amūlium expulērunt et tum Numitor iterum fuit rēx. Romulus et Rēmus suam urbem condere voluērunt ergo ad locum cum septem collibus īvērunt. Romulus urbem condere in colle Palatīnō voluit. Rēmus tamen in colle Aventīnō urbem condere voluit. Et Romulus et Rēmus caelum et avēs aspēxērunt nam hominēs antīquī putāvērunt deōs per avēs loquī. Rēmus prīmum sex avēs vīdit et Romulus paulō post duodecim avēs vīdit. Rēmus avēs prīmum vīdit ergo urbem in Aventīnō colle condere voluit. Sed Romulus vīdit plūs avium ergo urbem in Palatīnō colle condere voluit. Romulus et Rēmus pugnāvērunt et Romulus frātrem suum interfēcit. Tum Romulus urbem Romam condidit diē Vicēsimō et ūnō mēnsis Aprīlis annō Septingentēsimō Quīnquāgēsimō Tertiō ante aetātem nostram. Haec est fābula dē urbe Rōmā conditā! Nōn est histōria nam vērā nōn est sed falsa sed est fābula Rōmāna! Aliō in episōdiō vōbīs dē diē nātālī urbis Rōmae celebrandō dīcam!
Bene, satis est. Haec hodiē habuī quae dīcerem! Quid vōs? Placetne vōbīs haec fābula? Nōbīs scrībere potestis apud anchor.fm vel apple podcasts vel spotify vel etiam situm nostrum habesnelac.com/contact. Volumus audīre respōnsa vestra! Grātiās vōbīs agimus quia nōs loquentēs audītis. Sperāmus fore ut hoc episodion vōbīs placeat! Curāte ut in proximum valeātis! Et mementōte: Rem tenēte, verba sequentur.
