Rem Tenē Episodion Quinquāgēsimum: Rogāta Vestra, Rēspōnsa Mea (Pars Prīma)
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions If you enjoy this, you can support us on Patreon at Latinitas Animi Causa for the cost of only a cup of coffee per month. The link is in the description! Although everything on this podcast will be free, your support is what allows us to do what we do. *Remember to leave a rating and review to help others find this podcast more easily!* Thanks for joining us and enjoy the episode!
Sat nūgārum; ad rem!
Salvēte sodālēs! Haec seriēs est Rem Tenē! Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē rogātīs vestrīs rēspondēre velim! Babae!! Sodālēs, hoc est episodion quinquāgēsimum seriēī nostrae nōmine Rem Tenē! Ad hanc rem faustissimam celebrandam, rogātīs vestrīs, ō audītōrēs, rēspondēre velim! Tam multa autem rogāvistis ut omnibus ūnō episōdiō rēspondēre nōn possem! Quid igitur faciam? Rogāta inter tria episōdia dīvidam! Rogātīs respondeāmus! Prīmum, ō audītōrēs, da mihi veniam sī nōmen tuum prāvē dīcō!
Michael Schiller apud Patreon rogāvit hoc: Quī liber Latīnus tibi maximē displicet? Bene rogās, Michael! Nōn multī sunt librī Latīnī antīquī quī mihi displicent. Omnēs enim ūtilēs sunt! Fortasse, librī ā Frontīnō scriptī dē aquaeductibus maximē displicent nam nōn multum dē hīs rēbus legere velim. Grātiās tibi, Michael, prō rogātō tuō agō!
Neandermagnon etiam apud Patreon rogāvit hoc: quī lūdus maximē tibi placet? Bene rogās et tu, Neandermagnon nam multī lūdī mihi placent! Quam difficile rogātum! Inter lūdōs computātrāles, est lūdus satis vetus quī Anglicē “The Legend of Dragoon” vocātur. Fortasse, Fābula Dracōnigēnārum Latīnē vocātur. Hic lūdus multum mihi puerō placuit. Etiam nunc mihi placet! Multum etiam dēlector lūdō cui nōmen est “Corōna” Latīnē, “Halo” Anglicē. Grātiās tibi, Neandermagnon, prō rogātō tuō agō!
Maja Marović apud Prosopobiblion hoc rogāvit: Quae rēs optima accidit quam nōn exspectābās cum hās rēs facerēs? Bene rogās, Maja! Hoc est difficilius rogātum! Multa bona accidērunt! Nōn tamen exspectābam tot, id est, tam multōs esse hominēs quī rēs nostrās spectāre velint. Minimē hoc exspectābam! Grātiās tibi, ō Maja, prō rogātō tuō agō!
(Post prīmam vīcem: bene; iterum tōtam rem dīcam celerius et sine vocābulīs Anglicīs)
Bene, satis est. Haec hodiē habuī quae dīcerem! Suntne vōbīs roganda? Nōbīs scrībere potestis apud situm nostrum habesnelac.com/contact. Volumus audīre rēspōnsa vestra ergō scrībite! Grātiās vōbīs agimus quod nōs loquentēs audītis et, ut semper, patrōnīs nostrīs apud Patreon quam maximās grātiās agimus! Sī vultis fieri patrōnī nostrī, īte ad ligāmen quod infrā positum est. Spērāmus fore ut hoc episodion vōbīs placeat! Curāte ut in proximum valeātis! Et mementōte: Rem tenēte, verba sequentur.
