Episodion Vīcēsimum et Sextum: Dē Linguīs Discendīs
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions. If you enjoy this, you can support us here on Spotify for Podcasters or on Patreon at Latinitas Animi Causa. Although everything on this podcast will be free, your support is what allows us to do what we do. Remember to leave a rating and review to help others find this podcast more easily! Thanks for joining us and enjoy the episode!
YT: This episode can also be listened to without video on Spotify, Apple Podcasts, Amazon Music, and wherever else you get your podcasts.
Salvēte sodālēs! Haec seriēs est Rem Tenē. Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīscum loquī velim dē linguīs discendīs. Ut bene scītis, linguās vāriās doceō. Doceō enim linguam Latīnam, Graecam, Hispānicam, Italicamque. Nōn sōlum linguās ipsās doceō sed etiam modōs doceō quibus linguās bene discere possumus. Omnēs hominēs linguās discere possunt! Ferē omnis lingua eōdem modō vel iīsdem methodīs discitur, etiam linguae antīquae! Ferē omnis lingua in quattuor partēs dividitur: legere, audīre, scrībere, et loquī. Id est, ferē omnēs linguās legendō, audiendō, scrībendō, et loquendō discimus. Quamquam loquī et scrībere linguā multum placet et delectāmur loquendō et scrībendō, prīmum necesse est multum audīre et multum legere linguam quam discere velīmus. Nōn sōlum tamen multum audīre et legere necesse est, sed etiam legere et audīre ea quae facile intellegere possumus. Maximī momentī est ferē omnia intellegere quae audīmus et legimus. Nōn tamen sōlum multa audīre et legere oportet sed etiam multa quae animum dēlectant vel animum movent. Sī animum nōn dēlectat vel movet, est multō difficilius linguam discere nam sānē nōn multī hominēs sunt quī rem valdē arduam facere velint. Sī multum legimus et audīmus, multō facilius lingua discitur. Postquam multa audīvimus et legimus, multō facilius scrībere et loquī possumus! Exempla enim habēmus quae sequī possumus! Seneca ille philosophus ōlim scrīpsit: “Iter est longum per praecepta, breve et efficax per exempla.” Ergō, omnēs, audīte, legite et tunc scribite et loquimini et linguās discite!!
Hāc septimānā, mentiōnem nōminis fautōris nostrī facere volumus! Grātiās summās agimus fautōtrī nostrō cui nōmen est Peter Brown. Ille nōn sōlum episodion proximum audīvit et commentārium scrīpsit sed etiam fere omnia nostra spectat et multōs commentāriōs scrībit. Iterum grātiās summās tibi agimus, Peter!
Audī hoc episōdion et scrībe commentārium et fortasse mentiōnem nominis tuī faciam!
Bene, satis est. Haec hodiē habuī quae dīcerem! Quid vōs? Nōbīs scrībere potestis apud apple podcasts vel spotify vel etiam situm nostrum habesnelac.com/contact. Volumus audīre respōnsa vestra! Grātiās vōbīs agimus quod nōs loquentēs audītis. Sperāmus fore ut hoc episodion vōbīs placeat! Curāte ut in proximum valeātis! Et mementōte: Rem tenēte, verba sequentur.
