Rem Tenē Episodion Sexagesimum et Sextum: Fābula Rīdicula
Rem Tenē Episodion Sexagesimum et Sextum: Fābula Rīdicula
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions. If you enjoy this, you can support us here on Spotify for Podcasters or on Patreon at Latinitas Animi Causa. Although everything on this podcast will be free, your support is what allows us to do what we do. Remember to leave a rating and review to help others find this podcast more easily! Thanks for joining us and enjoy the episode!
Salvēte sodālēs! Haec seriēs est Rem Tenē. Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīs fābulam rīdiculam narrāre velim! Fābula rīdicula est fābula quae rīsum movet. Haec fābula scripta est ab Italō cui nōmen fuit Poggio Bracciolini. Opus scrīpsit cui nōmen fuit “Facētiae.” Fābula quam narrātūrus sum ex hōc opere venit. Sed nōn ipsam fābulam legēmus sed formam simplicem quam ipse scrīpsī. Bene; fābulam legāmus!
Ecce vulpēs! Vulpēs iam multum ēsurit. Vulpēs per campum ambulat et gallīnās videt. Eās gallīnās capere et cōnsūmere vult. Post gallīnās est ūnus gallus. Omnēs ad arborem excelsam ambulant. Vulpēs iam ad arborem currit. Gallus et gallīnae cum vulpem videant arborem ascendunt. Vulpēs tamen arborem ascendere nōn potest. Gallus in excelsā arbore sedet.
Tum vulpēs “Galle,” inquit, “audīvistī recentia nūntia?”
Cui Gallus respondet, “nihil audīvī, vulpēs. Nārrā quid sit novī!”
Vulpēs loquī pergit, “fuit concilium omnium animālium! Omnia animālia in locum convēnērunt et pācem cōnstituērunt! Est pāx inter omnia animālia! Iam omnēs sine timōre ambulāre possunt! Nūlla erit iniūria! Nūllae erunt īnsidiae! Dēscendite igitur! Est tempus hunc diem festum celebrandī!”
Gallus hoc audit et campum dē arbore prōspicit.
“Quid tū aspicis?” Vulpēs eum interrogat.
“Duōs canēs videō! Canēs hūc currunt! Putō eōs ēsurīre!”
Vulpēs iam timet et abīre vult. “Tempus,” inquit, “est mihi fugiendī!!”
“Cūr fugis, vulpēs? Nōnne est pāx cōnstitūta inter omnia animālia?”
Cui respondet vulpēs, “ita est, mī Galle, sed dubitō eōs hoc nūntium audīvisse.”
Bene, satis est. Haec hodiē habuī quae dīcerem! Quid vōs? Rīsum tibi mōvit haec fābula?
Nōbīs scrībere potestis apud apple podcasts vel spotify vel etiam situm nostrum habesnelac.com/contact. Volumus audīre respōnsa vestra! Grātiās vōbīs agimus quod nōs loquentēs audītis. Spērāmus fore ut hoc episodion vōbīs placeat! Sī placuit vōbīs hoc episōdion, spectā hoc nam vōbīs placēbit! Curāte ut in proximum valeātis! Et mementōte: Rem tenēte, verba sequentur!
