Rem Tenē Episodion Quinquāgēsimum et Quartum: Bestia Mihi Acceptissima
Rem Tenē Episodion Quinquāgēsimum et Quartum: Bestia mihi acceptissima
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions If you enjoy this, you can support us on Patreon at Latinitas Animi Causa for the cost of only a cup of coffee per month. The link is in the description! Although everything on this podcast will be free, your support is what allows us to do what we do. *Remember to leave a rating and review to help others find this podcast more easily!* Thanks for joining us and enjoy the episode!
Sat nūgārum; ad rem!
Salvēte sodālēs! Haec seriēs est Rem Tenē! Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīscum paulum lūdere velim! Est mihi bestia acceptissima, ut multī hominēs. Vōbīs dēscrībam hanc bestiam et volō vōs dīvīnāre quae sit bestia! Estisne parātī? Lūdāmus!
Haec bestia potest esse magna, potest esse parva. Haec bestia est minor quam multae aliae bestiae. Sunt enim multae speciēs huius bestiae. Haec bestia nōn in marī habitat. Nōn est piscis. Haec enim bestia nōn natat, quantum sciō. Multīs hominibus haec bestia nōn placet nam sunt hominēs quī putant hanc bestiam esse foedam. Sunt speciēs huius bestiae quae in silvīs habitant et sunt speciēs quae in speluncīs habitant. Haec bestia volāre potest sed nōn est bestiola neque est avis nam nōn ōva sed pūllōs vīvōs parit. Haec bestia nōn interdiū sed noctū vīvit. Sunt speciēs huius bestiae quae fructūs edunt et sunt speciēs quae bestiolās edunt et sunt speciēs quae sanguinem sugunt. Dīvīnāvistis? Scrībite infrā!
(Post prīmam vīcem: bene; iterum tōtam rem dīcam celerius et sine vocābulīs Anglicīs)
Bene, satis est. Haec hodiē habuī quae dīcerem! Quae est bestia tibi acceptissima? Nōbīs scrībre potestis aut infrā aut apud situm nostrum habesnelac.com/contact. Volumus audīre respōnsa vestra ergō scrībite! Grātiās vōbīs agimus quod nōs loquentēs audītis et, ut semper, patrōnīs nostrīs apud Patreon quam maximās grātiās agimus! Sī vultis fieri patrōnī nostrī, īte ad ligāmen quod infrā positum est. Spērāmus fore ut hoc episodion vōbīs placeat! Curāte ut in proximum valeātis! Et mementōte: Rem tenēte, verba sequentur.
