Episodion Quadrāgēsimum: Daedalus et Īcarus
Rem Tenē Episodion Quadrāgēsimum: Daedalus et Icarus
Hello all! Welcome to Rem Tenē: a Latin podcast using comprehensible input to help beginner and intermediate learners of Latin acquire the language in a fun and compelling way. The transcript for this episode can be found in the episode description where you can follow along. Remember that we will speak twice in the episode: once slowly with words and phrases occasionally defined in English and again at a more natural speaking speed and no definitions If you enjoy this, you can support us on Patreon at Latinitas Animi Causa for the cost of only a cup of coffee per month. The link is in the description! Although everything on this podcast will be free, your support is what allows us to do what we do. *Remember to leave a rating and review to help others find this podcast more easily!* Thanks for joining us and enjoy the episode!
Sat nūgārum; ad rem!
Salvēte sodālēs! Haec seriēs est Rem Tenē! Est seriēs sermōnum Latīnōrum ad linguam Latīnam discendam. Mihi nōmen est Andrēās et hodiē vōbīs fābulam Daedalī et Īcarī narrāre velim! Fautor noster Petrus Brown apud TuTubum nōs hanc fābulam narrāre voluit ergō fābulam narrēmus!!
Fuit ōlim vir Atheniēnsis nōmine Daedalus valdē sollers quī multās rēs mirābilēs facere poterat. Is enim aedificia, machinās vāriās, et aliās rēs mīrābilēs fēcit. Daedalus tam sollers et ingeniōsus fuit ut labyrinthum in quō Minotaurus habitāret fēcisset. Omnia tamen haec Daedalus fēcit invītus nam ille fuit captīvus rēgis Minois. Nōn sōlum ille sed etiam fīlius eius adulescēns Īcarus captīvus rēgis crudēlis Minois fuit et Minos eōs in aedificiō altissimō inclūsit. Quōdam diē, Daedālus avēs volantēs spectābat et cōnsilium fugiendī cēpit. Daedalus omnia necessāria habuit: cēram et pennās. Cōnsilium Daedalī fuit alās facere et volāre sīcut avēs. Alās ē cērā et pennīs fēcit et cōnsilium Īcarō dīxit sīc:
“Īcare, mī cāre fīlī, nōs hīs alīs ūtēmur, volābimus et fūgiēmus! Nōn iam captīvī erimus! Sed, mī cāre fīlī, volā mēcum in mediō aere. Sī prope mare volābis, pennae umidae fient et in aquam cadēs. Sī prope sōlem volābis, sol cēram molliet et pennās ūret et in aquam cadēs. Rem tenēs?”
“Rem teneō, pater!” respondet Īcarus.
Sīc volāvērunt et fūgērunt! Volābant cum avibus et multum gaudēbant. Īcarus tamen sōlem multum admīrābātur. Tam clārus et pulcher fuit sōl! Īcarus ad sōlem āvolābat nam eum propius vidēre volēbat. Verba patris nōn memōriā tenēbat. Sōl cēram molliēbat et pennās ūrēbat et Īcarus cadere coepit. Daedalus fīlium suum cadentem vīdit neque eum servāre poterat. Daedalus, nōn iam pater, ad terram dēscendit et multum flēvit.
Hanc ob causam, mare Īcarium suum nōmen habet. Quid significat haec fābula? Quid putātis? Scrībite infrā!
Ut semper, et patrōnīs nostrīs apud Patreon quam maximās grātiās agimus!
Bene, satis est. Haec hodiē habuī quae dīcerem! Quid vōs? Quid significat haec fābula? Placuitne vōbīs haec fābula? Nōbīs scrībere potestis apud apple podcasts vel spotify vel YouTube vel etiam situm nostrum habesnelac.com/contact. Volumus audīre respōnsa vestra ergō scrībite! Grātiās vōbīs agimus quod nōs loquentēs audītis. Spērāmus fore ut hoc episodion vōbīs placeat! Curāte ut in proximum valeātis! Et mementōte: Rem tenēte, verba sequentur.
